يومياتي في فنون (1)

$$$$ وليد : " وانتي اخدتي فرينش ولا جيرمان ؟ "

#### احمد : " جيرمان ,, قلت اجرب حاجة جديدة عشان زهقت من الفرينش ده "

** ايه البت العبيطة دي ؟! تضحي بالفرنساوي في سبيل اليوناني !! طب ده حتي الفرنساوي متودكين عليه من اعدادي و ( جو ما بل عبده ) والناس عايشة يعني ! **

$$$$ وليد : " بس الجيرمان ده مش صعب !! "

** هو علينا في الرغبات يوناني !؟ مأخدتش بالي والله ,, بس هو لازم يكون صعب طبعا ,, دي آلهة الاغريق لوحدها تلخبط الواحد والله ! انا كل شوية اتلخبط في فيلم ( كلاش اوف زا تايتنز ) مين بوسايدن من ازوريس من سماح انور .... مين سماح انور !؟ **

#### احمد : " وانتي اخترتي ايه يا ياورا ( عاوزالك 100 بولغة علي بؤك ) !؟ "

** ييس بت سامتايمز نو **

انا : " سيريسلي ,, اكشلي ,, ان فورشـ ...... ,, احم . انا فرنساوي "

$$$$ وليد : " والله فكرتوني بايام فزززززيعة ,, انا كل اما كنت آكل تشوكليت كادبري كان المســ .... "

#### احمد : " ايه ده استني !! انتي بتاكلي كادبري ؟! اللي بـ 5 ولا اللي بـ 20 ؟ "

$$$$ وليد : " اللي بـ 20 ,, انا كل يوم ليا واحدة اصلا ! "

** انتي عارفة انا اخر مرة شوفت فيها عشرين جنيه مصححة كانت امتي !!
هو البشمهندز وليد شغال ايه بالظبط ! طب لو بيتاجر في المخدرات قولي سرك في بير أ أختي ! **

#### احمد : " وانا كمان ,, وانتي يا ياورا ( ) !؟ "

** طب اعترفلهم بالحقيقة ان انا مصرية ومن اب مصري ؟؟ ولا اعمل نفسي من سريلانكا واقول الكلمتين الانجليزي اللي عارفاهم وخلاص ؟! **

انا : " بسكوت لمبادا ... ويفر محشي بالشيكولاتة ... 3 طبقات ... ابو غلاف بنفسج دهو ,, احم طب اشوفكم بقي المرة الجاية أ مزز علي خير ,, موبايلات بقي "

بليز جيرلز دونت بي لاكي زات ,, زيس تايب اوف جيرلز ميك اس منفوخين ,, سو بليز ارحموا اور فاميليز اند حاولوا تكونوا نورمال بيبول ,, ثانكث بيتشز

#بلاش_الانجليزي_يا_امينة
#الكادبري_اصلا_حرام
#فنون_جحيمة

Penulis : Unknown ~ Sebuah blog yang menyediakan berbagai macam informasi

Artikel يومياتي في فنون (1) ini dipublish oleh Unknown pada hari July 25, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan يومياتي في فنون (1)