يومياتي في فنون (2)




انا اخدت كورس 4 جمعات ورا بعض في فنون جميلة وحابة اشاركم النفخ اللي بشوفه هناك ,, الناس اللي عندي في البروفايل بصراحة اتهروا مني السنة دي بوستات #ثانوية_عامة لغاية اما جالهم طفح جلدي ... بلاش لك كتير ونخش في الموضوع . . .

كنت قاعدة مع بنتين علي بنش كده كله تراب ( والاتنين مش محجبات ومسلمين وشعرهم زبدة كده سايحة ,, حقد طبقي بقي )

- $$$$ وليد : " اوووووووه! انا عندي كويز بكره وريلي ريلي مش مذاكرة اي حاجة , مش عارفة حعمل ايه ولسه حروح اتفرج علي باسم ( قبل ما يقطعوا البرنامج ) , مش حلاقي وقت اذاكر فيه خالص "

- انا : " عندك امتحان ايه ؟ "

- $$$$ وليد : "
Bio "

** الكلمة دي احنا اخدناها قبل كده في المدرسة ,, حتي كان في آخرها ( اولوجي ) ,,وبعدين ايه كويز دي ؟! يا دين النبي ! ,, بس هي مادة علمية شكلها استني استني استنــــــــــــــــــــــــــي دي احيــــــــــــــــاء ! حمد الله عالسسسسسسسسسسمة **

- #### احمد : " هو انتي مش في مدرسة ( ابون فشنتمي بشعفل ناملخ ) بردو ؟؟ "

- $$$$ وليد : " يــــــــــــــــــــــه! و يو؟؟ "

- #### احمد : " انا في مدرسة ( بوخ مسنهع مبنلف المنت ) "

** الورديان الثانوية بنات وزي الفل يعني !! ده حتي فيها باب من ورا وجمبيها 3 مكتبات بتبيع حلاوة عسلية وقشطة يعني! **

- #### احمد : " طب ودي مش بعيدة عليكي! دي اكتر من 3 محطات ! "

- $$$$ وليد : " ما في باص بقي وكده "

** باص !! حبيبتي انا باجي من القباري لجليم ! يا ام 3 محطات انتي !! ده سفر يا ولية بالنسبالي **

- $$$$ وليد : " صحيح يا ياورا ( انا يبقي اسمي ياورا !! ) انتي في مدرسة ايه ؟ "

** الورديان هاي سكول اونلي فور بويز **

- انا : " في الورديان بعد القسم علي طول ,, قبل مدافن ( ام كبيبة ) عالشمال كده "

- $$$$ وليد : " دي علي الخط ده ولا خط الهانوفل ( من غير وضع حرف الــ ي ) ؟ "

- انا : " لا دي ملهاش خط ,, دي لوحدها كده !! "

_ وبعد فترة من نظرات عدم الفهم صاحبتها عدة كلمات بالانجليزي عقدت اللي خلفوني _

- $$$$ وليد : " صحيح يا بنانيت ( بنانيت ! ما انتي ابوكي اسمه وليد عاوزة تقولي ايه غير بنانيت ! انا ابويا اسمه ( جمعة ) يا حجة ,, لا وفي قبليه كمان ( حسن ) ,, انا لو قلتلك الكلمتين دول اقل ما فيها حتتخيليهم بدمامل في رقابهم !! )

ايه اكتر شابتر مضايقكم في ال
Chemistry ?? عن نفسي شابتر سافن "

#### احمد : " نووووووووو ,, إيت هو اللي فظيع بجد مش عارفة حعمل في ايه ! وانتي يا ياورا ( تــــــــــــــاني! ) ؟! "

- انا : " الحساب الكيميائي هو اللي واقفلي زي اللقمة في الزور كده ,, عالطلاق دي مادة زبالة ,, يلا هي خربانة خربانة ,, وانتوا عاملين ايه في العضوية ؟ "

- #### احمد : " اورجانك !! دي جميـــــــــــــلة! اي لوف ايت سو ماتش ,, تقريبا هي اكتر مادة سلسة وتتحب بسورعة كده ! "

** انا مستنية الترجمة كل ده **

- $$$$ وليد : " اها والفزيكس دي يـــــــع بجد ,, مش عارفة اذاكــ . . . . . . . . "

- انا : " ثواني أ جماعة "

- #### احمد : " رايحة فين ؟ "

- انا : " حجيب حاجة حلوة بسرعة واجي ,, زي مانتوا والنبي ما انتوا متحركين "

** ياكشي وانتوا سيتينج علي البنش تيجي بومب من نو وير تفرقع في يور فيسز وما يلاقولكوا قطع غيار "

#اول_أنجلش_اول_زا_تايم
#الانجليزي_عماني_ورب_العرش_نجاني
#بلاش_انجليزي_يا_امينة

Penulis : Unknown ~ Sebuah blog yang menyediakan berbagai macam informasi

Artikel يومياتي في فنون (2) ini dipublish oleh Unknown pada hari July 25, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan يومياتي في فنون (2)
 

0 التعليقات:

Post a Comment