لما تلاقي حد منافق او كداب او فيه اي صفة وحشة , بالعكس خليك معاه وفهمه براحه ان ده غلط ,, مهو بردو الصفات دي مش حتروح كده من اول مرة ,, ولو لقيته معترف فعلا بالصفات اللي فيه , اعرف انه انسان سليم من جواه , انمام لو كابر بقي وآوح اعرف انه مش عاوز يتغير ودماغه واقفه . لان الاعتراف بالمرض هو نصف العلاج .
الانسان ده لازم تزعل عشانه متتضايقش منه ,, ده انسان مريض , مريض بحب الطمع او الكدب او الجشع , ايوه مرض طبعاااا ,, بس مش معني كده ان مفيش امل للأصلاح ,, لا طبعا في امل ,,
مهما حصل , اوعي تتخلي عن انسان اخلاقه وحشة , سيبك بقي من حكاية ان صاحبك عنوان ليك والكلام الفكسان ده ,, انت لو صاحب بجد مش حتتخلي عنه غير لما تخلصه من المرض ده , انت فكرك يعني هو مش بيتعذب !!
الانسان بيجيله تانيب ضمير مهما كان عنده برود اعصاب , لانه في الاخر انسان ,, وبعدين لا انا ولا انت نقدر نقول علي ده بيحس ولا لاه , لان دي حاجة بينه وبين نفسه
انت اللي في ايدك انك تخليه انسان احسن ,, حتتعب ,, بس بص للنتيجة كده !! والله حتحس بشعور جميل جداااا ,,
انما بقي انت لو عاندت وسيبته , انت وهو حتفتقدوا كل الحاجات الحلوة اللي بينكوا ,,
ولو حتحاول تغيره وانت مخنوق وبتلقح كلام عليه ومش طايقه , مبروووووووووووووك , انت كمان مريض .
ايوه مريض بحب الذات ,, هو بيعمل حاجات غلط يبقي انا احسن منه يبقي هو انسان زبالة وانا بساعده عشان يتخلص من العيب ده يبقي انا احسن ,, سوري انت مش احسن ,, الكمال لله وحده لو مش عارف يعني !!
0 التعليقات:
Post a Comment