ولا متخذات اخدان

في مشكلة ناس كتيرة اوي واقعين فيها

واكثرهم القادة في عصر الاخوان

اللي هي تفسير القرآن

يعني مثلا هم بيطبقوا علينا آيات الكفار ,, علي اساس ان احنا كفار يعني

طيب انتوا عارفين يعني ايه كافر اصلا !!

متهيألي لا 

لانهم لو عارفين مكانوش قالوا علي ميدان التحرير كله مسيحيين وكفار

والله مش معني اني معارضاك في حاجة ابقي كده كافرة

هي بس اختلاف وجهات النظر وممكن انا وانت نكون صح بس بنبص للحاجة من منظور مختلف

وبيقولوا ان الإسلام محمي بالرئيس المعزول " مرسي " وان الإسلام حيسقط من بعده

طيب ثواني ! مش ربنا هو حامي القرآن ؟؟ يبقي مين ده مرسي اللي يحميه ,, مرسي البشر !!

يعني ربنا مثلا مش حيعرف يحميه عالارض !!

وبتقولوا علينا احنا كفرة !!

طيب فسروا القرآن صح الاول

هي الآية الوحيدة اللي احنا حافظين التفسير بتاعها هي " إنما يخشي الله من عباده العلماء "

يعني ربنا مش هو اللي بيخاف لا دول العلماء

عندك واحد اسمه " مؤمن " علي تويتر بيقول ان المرأة ربنا خلقها عشان تنكح و عشان زوجها يضربها ,, وبينقب عياله من 5 سنين وبيجوزهم من هم 7 سنين ,, ده ينفع طيب !!

وبيقول كمان ان جبريل كان في رابعة العدوية

طب ليه يعني نعمل كده !! ما نبطل نمشي ورا كلام الناس من غير دمغة كده !!

مين " محمد مرسي " ده عشان يمنع سيدنا جبريل !! 

طيب لو انت دلوقتي مؤيد ,, حاول تحبب الناس فيك عشان ياخد فكرة حلوة عنك ويبدأ يسمعلك ,,

متقعدش تفكر انك لما تقعد تطلع الشيوخ بتوعك وتقعد تقول انهم شافوا الرسول " عليه الصلاة والسلام " بيأيد الرئيس المخلوع ,, ومتقعدش تقول جبريل نزل رابعة العدوية ,, يا جماعة اعقلوا الكلام بقي !! ابو كده يا شيخ

يعني بتفسروا القرآن غلط و بتبوظوا صورة الاسلام و كمان بتفشروا وبتدخلوا رسول الله وملائكته في الموضوع

احب اقولكوا بقي ان الناس فيها عقول ,, ومش حتصدق الهتش بتاعكوا ده 

ودي غلطتنا اصلا من الاول عشان سلمنا البلد لناس بتستغل الدين في مصالحهم الشخصية

Penulis : Unknown ~ Sebuah blog yang menyediakan berbagai macam informasi

Artikel ولا متخذات اخدان ini dipublish oleh Unknown pada hari July 12, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ولا متخذات اخدان