إسلاموفوبيا

يااااااااااااااااه يا جدع علي ايام زمان !! والبرامج الدينية بتاعة زمان !!

زمان كده كان الواحد تشوفه وهو بيتكلم تحس بالإيمان بينط من وشه

مترضاش تغير القناة من حلاوة الكلام

تلاقيه بيكلمك عن الجنة ونعمها وبيوريك ايه اللي بيحصل فيها وكده


دلوقتي بقي تحس انهم فاتحين قناة لقبيلة لقريش بذات ذاتها

المووووووووووووت ,, عذاب القبررررررررر ,,كفااااااااااااااااااار

سؤال بس أ كابتن ,, انت بتحاول تبين لنا ان المايك فيه صدي صوت ؟؟


لا ويحسسك انك مذنب وانت مبتعملش حاجة

الإدماااااااااان ن ن ن ن ن ,, ميسرررررررر ر ر ر ر

مش كده وبس ! لا طبعا

ده تلاقيه مقروف من نفسه والكلمة بتطلع بالعافية

وبيقول فتاوي غلط وبيحلل ويحرم علي مزاجه

وعمال يزغر للكاميرا ويبرق ,, وفاضله ثانية وممكن يتف عليك


والله انا مسلمة وبحاول استفيد مش جاية اخطف عيل من عيالك


ليه الدعوة للإسلام بقت بالطريقة دي !!

ليه بنخوف الناس من عذاب القبر بدل ما نمنيهم بالجنة !؟


ولما تقول خلاص حشتري شريط ديني واسمعه

تشغل تلاقي حاجة من الإتنين

1- يا إما عنده حد ميت ومقضي نص الشريط عياط

2- يا إما متفهمش منه حاجة

مش تريقة والله ,, بس بجد ده واقع وبيحصلنا كلنا



هو فعلا إسلامنا كده !!

معتقدش 

لان القرآن بيقول عكس كده

والرسول _ صلي الله عليه وسلم _ مأردش غير الوسطية

ودي مش عيب ولا حرام ,, بالعكس بقي

اللي بيعرف يوازن بين كل حاجة يبقي انسان ناجح


وانت لو مش مسلم ,, احب اقولك ان إسلامنا مش كده ولو عاوز تعرف إسلامنا بجد , اقري القرآن واحكم بنفسك


ربنا يهديهم !

Penulis : Unknown ~ Sebuah blog yang menyediakan berbagai macam informasi

Artikel إسلاموفوبيا ini dipublish oleh Unknown pada hari July 13, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan إسلاموفوبيا