موضة النكد

البت ولا الواد من دول يحصله معضلة صغيرة في حياته يروح هاتك يا بوستات نكد عالفيس و" باد مود " و " النوم هو الوسيلة الوحيدة للهروب " و " عد حبايبك كام هناك وكام هنا ! "

يا عم النكدي الدنيا مش مستحملة ,, الواحد لو اتكلم بس حتلاقي بلاعة اتفتحت في وشك كلها حاجات معفنة ,, مش انت الوحيد في الكرة الارضية اللي عندك مشاكل ... مفيهاش مشكلة لما تتكلم عن مشاكلك وتفضفض ,, بس ياريت يبقي بشكل نضيف الله يكرمك !

مفيش حاجة بتقف علي حد او علي حاجة ,, اي مشكلة بتعدي وبتتنسي وبتتحل وانت نفسك بتقعد بعديها تفتكر وتضحك فبلاش التشاؤم ده وعدي امورك عشان الحياة تمشي .

امريكا متقدمة عننا بمراحل كتير لانهم بيعدوا امورهم ( بمعني اصح عمليين ) ,, يعني عمرك ما شفت واحدة امريكية غابت عن الشغل 8 شهور عشان خالها مات , او واحد خاصم صاحبه 13 سنة عشان كان مخنوق واتنرفز عليه شوية ,, واليوم الواحد بس بيتعمل فيه اكتر من حاجة ( الشغل الصبح وبعديه غدا مع صاحبه وبعديه زيارة لواحد قريبه وبعديه عشا مع حبيبته وبعديه ممكن يبقي عنده انترفيو مع شركة تانية ) ... احنا بقي في مصر الست من دول تروح الشغل ترجع تبقي عاوزالها عمرة عشان ترجع بني آدمة طبيعية من جديد 

فنخلي الجو لطيف كده الله يكرمكوا ونبدا نتقبل الواقع شوية بقي عشان افلام السوبر هيروز و روايات عبير دي اللي مبوظة الدنيا ومخليه الناس عايشة في جو " الحياة بقي لونها بمبي للفنانة المسرحية سعاد حسني " واصلا اصلا الواقع بتاعنا مينفعهوش غير اغنية " كتاب حياتي يا عين بتاعة الفنان الشاب ناصع البياض حسن لسمر "

والكلام موجه لنفسي كمان ...

‫#‏النكد_عماني_ورب_العرش_نجاني
‫#‏حسن_لسمر_حلو_يا_امينة
‫#‏تكم_البلاوي_مليتوا_البلد

Penulis : Unknown ~ Sebuah blog yang menyediakan berbagai macam informasi

Artikel موضة النكد ini dipublish oleh Unknown pada hari July 25, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan موضة النكد