ساعات كده لما تسيب
واحد فقير وتمشي ,, ضميرك من جواك كده يقولك لا يا شيخ ,, ارجع
واديله ده بردو غلبان ,, انت معاك فلوس تروح البيت هو ممعهوش ياكل . . .
طيب تخيل انت بتعمل
كده علي كام جنية يتعدوا علي الصوابع ,, تخيل بقي الناس اللي بيقضوا حياتهم كلها
متمرمغين في الفلوس وناس تانية مش لاقية العيش الحاف . . .
حيطلع واحد دلوقتي
يقولي : " ربنا موزع الارزاق , متكفريش " ,, حرد عليه واقوله : " مهو بردو ربنا مخلقناش متساويين عشان نكمل بعض ولا خلاص
عشان الكلمة عجبتنا حنمسك فيها ! "
طيب دلوقتي شوفوا
كام مثال كده ,, عشان دمي ميتحرقش لوحدي . . . . .
1- " غردت الفنانة الإماراتية أحلام على حسابها
الشخصي في تويتر أن قيمة العُقد الذي ارتدته في الحلقة الأخيرة من برنامج عرب
ايدول 47 مليون دولار! "
" ومعروف عن أحلام، أنها إمرأة عاشقة للمجوهرات،
خصوصاً بحجم أحجارها الكبير "
" . . . حيث ارتدت خواتم وأقراط وأساور، إضافة الى
قلادات وساعات من الأحجار الكريمة والماس والذهب بلونيه الأبيض والأصفر.. أما
التاج الماسي، فكأنه يتوّجها ملكة على حاشيته من المجوهرات. "
2- " البعض أكد أن تكلفة الفستان الذي
ارتدته نانسي عجرم في الحفل بلغت ما يقارب الـ 15 ألف دولار "
3- " عمرو دياب يتصدر قائمة النجوم الأعلى
أجرا بقيمة مليون جنيه فى الحفلات داخل مصر، و350 ألف جنيه فى الفرح.
فيما ضاعف محمد
حماقى أجره بعد طرح ألبومه الأخير «من قلبى بغنى» إلى 90 ألف جنيه، بعد أن كان 45
ألف جنيه العام الماضى.
أما نجوم لبنان
فتصدرهما راغب علامة وإليسا بمبلغ 400 ألف جنيه فى حفلاتهما داخل مصر. "
4- " صرحت ميريام فارس بأنها اشترت حقيبة يد بحوالي
120 ألف دولار أي ما يعادل 700 ألف جنيه مصري، وبررت ذلك بأنها خامة فريدة من نوعها.
أشارت كذلك
إلى أنها تمتلك أسطولا من الأحذية، والتي يقدر ثمن الزوج منها بـ30 ألف دولار،
وأحيانا 40 ألف دولار. "
5- " في عام 2005 رغب المطرب بونو شراء قبعة من لندن، وكان
وقتها في إيطاليا، فقطع لقبعته تذكرة درجة أولى مقابل 1700 دولار، أي ما يعادل 5
آلاف ريال سعودي تقريباً، بدلاً من شحنها عن طريق أي شركة
"
47,000,000 عقد احلام + 15,000 دولار فستان نانسي + 350,000 حفلة واحدة لعمرو دياب + 90,000 جنية حفلة واحدة لحماقي + 400,000 حفلة واحدة لإليسا + 40,000 حفلة واحدة لراغب علامة + 700,000 جنية شنطة ميريام + 40,000 دولار جزم ميريام + 1,700 دولار لقبعة بونو = حوالي كده 981,191,900 جنية مصري ,, يعني يقترب من المليار . . .
طيب الصومال عاوزة مشروع تحلية المية بدل ما هم ضايعين كده ,, والمشروع ده بيتكلف كااااااااام ؟؟ المتوسط بتاعة 20 مليون ,, ده لو كل واحد من اللي فوق دول طلع 10 جنية والنبي المسألة حتتحل . . . يعني ميريام تشتري جزم وشنط بالشئ الفلاني وغيرها وغيرها !! والناس مش لاقية تاكل ؟!؟!
انا شفت ناس قبل ما تنام بتفكر إزاي حتلاقي تاكل بكره ؟! يعني مثلا انت لو آخر مشاكلك انك زعلت الجيرل فريند بتاعتك , او مثلا حاجة واقفة معاك في المنهج مش عارف تخلصها ,, ممكن الكوتشي بتاعك يكون مقطوع وممعاكش تجيب غيره ,, بس ميتهيأليش انك مش لاقي تاكل !! وصلة النت اللي معاك دي بس ,, تمنها يأكل 3 عائلات عالاقل ( عن تجربة مش اي كلام وخلاص ) . . .
مش بحسد ولا بحقد يعني !! لا طبعا ,, بس لو مش عاوز تساعد الناس دي , اقل ما فيها قول الحمد لله علي اللي معاك ,, وبص للي فوقيك واحلم ,, بس متنساش تبص للي تحتيك عشان تحمد ربنا . . .
المصادر :
0 التعليقات:
Post a Comment