- احنا نخش عليه لابسين قفطانين ونعمل دقنين و نمسك سبحتين , وهو حيشوفنا كده يروح مآمن لنا .
- طب ما احنا ممكن نلبس زي عسكريين و نشيل طبنجتين و نحط نسرين , وهو كده حيخاف مننا ويعملنا اللي احنا عاوزينه .
- مهو لو خوفناه في الاول مش حيعمل لنا اللي احنا عاوزينه ,, احنا لما ندخل عليه بالقفاطين نقري له آيتين و وناخده في كلمتين ونديله هدية سبحتين , مهو مسلم وعارف ربنا واكيد اي حاجة جاية من عند ربنا مش حيرفضها !!
- انا مقولتش نضربه بالنار اول ما نخش ,, احنا ناخده واحدة واحدة ,, نرمي عليه من فوق علمين ونرسمله في السما قلبين وعليهم كمان رشاشين .
- طيب نقوله احنا صحاب النقاب و احفاد عمر ابن الخطاب و ونديله تمرتين رطاب , وبكده مش حيفلت مننا .
- ما الأحسن نفوقه من السراب ونخليه يشوف السما بوجهة نظر النسور والعقاب ولو وقف في طريقنا نولع فيه بعودين ثقاب .
- لو عملت كده حيطلعله مكان الضروس انياب وممكن يفكره انقلاب ومن الجاز حتلاقيه جاب .
- انقلاب !! ليك عين يا ابو وش صفطان , كرهك ليه خلاك للدم عطشان , وموافقتي علي مجيَك معايا انا غلطان .
- يا ابو مسدس انت !! انا من وشك طهقان و مش بعيد ترجعلي في يوم سكران ووريني لو سمع كلامك يا جربان .
0 التعليقات:
Post a Comment