حاجة من الاتنين !

لما تبقي ماشي في الشارع وتخبط من غير قصدك في واحد معدي ,, ممكن تحصل حاجة من اتنين :.


1- انه مياخدش باله ويمشي ولا كإن حاجة حصلت , وده شئ جميل جدا لانك بكده تكون اترحمت من وجع الدماغ .

2- ان مراته لسه تكون ضارباه علقة قبل اما ينزل وعاوز يفرض سيطرته علي اي حد وخلاص . . يروح قايلك " انت اعمي ؟ " . . هنا بقي انت ليك اختيارين :.


1- انك تاخد السؤال كانه سؤال عادي وترد " لا مش اعمي " وساعتها ممكن يتعلم عليك .

2- انك تقول " آسف " وهو ما حيصدق طبعا حيروح نازل غلط فيك. . هنا بقي ممكن تعمل حاجتين :.


1- انك تستحمل لغاية اما يزهق ويمشي .

2- ان كرامتك تنح عليك وتعلمه الادب . وهنا ممكن يحصلك حاجتين :.


1-  يا إما تعلي صوتك عليه وهو يرتجع .

2- او ممكن يروح معلي صوته عليك وتمسكوا في بعض . وهنا ممكن يجرالك بردو حاجتين :.


1- انك تضربه الاول وبعدين هو يقع وانت تمشي ولا كإن حاجة حصلت .

2- يا إما تنضرب انت وتخش المستشفي .


فانت عشان تتفادي كل ده ادامك حاجتين :.

1- انك تمشي منتبه اوي في الشارع .

2- انك تقعد في بيتكوا ومتنزلش منه ( وانا افضل الحل ده بصراحة توفيرا للوقت والمجهود )




 شكرا علي صبركم  . . . سيداتي آنساتي سادتي . إلي اللقاء في شلل آخر :) :)

Penulis : Unknown ~ Sebuah blog yang menyediakan berbagai macam informasi

Artikel حاجة من الاتنين ! ini dipublish oleh Unknown pada hari August 15, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan حاجة من الاتنين !