كلنا عارفين ان عندنا عيدين بس ( كمسلمين ) , عيد كبير و عيد صغير ودول العيدين المعترف بيهم في الاسلام ,, تمام كده !؟
وعارفين ان مفيش حاجة اسمها عيد حب وان ده يوم كله بيعبر فيه عن حبه للآخرين بس هو مش عيد ,, يعني مش معترف بيه , صح كده ؟!
طيب ازاي بقي الولد ينزل في عيد الحب ( اللي هو اصلا مش عيد ) يدي للبنت بتاعته هدية , وفي الاعياد الحقيقية ينزل يتحرش بيها ؟!
طيب ازاي يعني ؟! يعني اللي انت بتحبها دي تاخد منها اللي انت عاوزة بإراتها , ولما متكونش معاك تاخد من غيرها اللي انت عاوزة بغير ارادتها !؟
انهي عقل يفكر بالطريقة دي ؟!
والله شعب عنده انفصام في الشخصية
يعني لما تبص دلوقتي علي البنات الصغيرة تلاقيها بتقلد البنات الكبيرة ,,
إزاي ؟!
يعني طرحة فسفوري منفوخة زي المخدة , وسلك كهربا علي اورتها و وماسكة شنطة كبيرة علي سنها و لابسة سكيني ومببينة نص شعرها ونص إيديها ,,
فين البراءة يا كفرة ؟! فين ايام الشراب الكلون والجيبات الكاروهات؟!
ومع كل اللي عاملاه في نفسها ده تلاقيها مش بتعرف تتكلم كلمتين علي بعض ,, طيب انتي بتعملي كده ليه يعني ؟! ما تعيشي سنك ,,
عارفين يعني ايه بنت شكلها اكبر من سنها الحقيقي ب20 سنة ؟! ,, تناقض ده ولا مش تناقض ؟!
والولد ده لما يبقي عنده 10 سنين وبيتحرش ؟!
امتي جالك كبت جنسي انت عشان تتحرش ؟!
خلاص عرفت معني الرجولة وبتتحرش عشان مش عارف تتجوز لان ظروفك المادية مش اد كده ؟!
انت يابني في سنة كام ؟! ولا انت بتقلد اللي اكبر منك من غير ما تفهم وخلاص كده ؟!
هي بقت حاجة عيب لما كل واحد يعيش سنة ؟!
طب هو احنا اللي غلط ولا المجتمع هو اللي غلط ؟!
طيب في الحالة دي نسمي المجتمع ده ايه ؟ ,, اه عرفت ,, مجتمع مريض نفسيا
0 التعليقات:
Post a Comment