معظم الرجالة اللي تيجي تتجوز تقولك :.
- انا عاوز واحدة معندهاش فيس بوك
سؤال بس أ كابتن , ايه علاقة ده بالبنت ؟!
ولا هو يعني عشان حالة او اتنين شتوا عن المعتاد يبقي كله كده ؟!
- انا عاوز واحدة مش بتحط صورها عالنت
ايوه بردو ايه الفكرة ؟؟
انت مش عاوز حد غيرك يشوفها ؟! طيب هو حد قالك انها منزلة صورها بالبيكيني ؟!
- مش عاوز واحدة من المنطقة الفلانية
ايه علاقة ده باخلاقها ؟!
والله متهيألي ان المنطقة اللي عايشة فيها مش بتحدد مستواها الفكري
,, سوري سوري معلش نسيت ,, انت عاوز تتجوز واحدة بريموت كونترول ,, مجرد تمثال بلا روح عايش معاك ,,
سوري اصل سيادته مش عاوز يتعب تفكيره ويشغل باله باللي حتعيش معاه ,,
كفاية انها الارنبة بتاعتة اللي حتحمل له عياله وتربيهم ,
وكمان الخدامة الفلبينية اللي تطبخلك وتغسلك وتكويلك
والجهاز اللي شغال 24 ساعة ومش من حقه انه يغلط او يعترض او حتي يتعب
ده رسولنا الكريم _ صلي الله عليه وسلم _ اوصي بالنساء
انا حقولك حاجة واحدة ,, جرب كده تقعد في البيت وتعمل اللي مراتك بتعمله بنفس الكفاءة والتركيز في كل حاجة ,,
اه صحيح , نسيت , انت سي السيد ,, محدش يقدر يغير اللي في دماغك
- علي فكرة احنا مش عورة ومش اقل منكم في حاجة ,, انا مش حقعد بقي اديكم امثلة للإنجازات بتاعتنا
بس بجد حاول تفكر بعقلك مش بعقل المجتمع الذكوري اللي احنا عايشين فيه . . .
انا إنسانة ,, انا مش عورة !
0 التعليقات:
Post a Comment