الدنيا دي عبارة عن مراحل ,, وبتختلف من موضوع للتاني
يعني في مواضيع مع الوقت بتقل ,, وفي العكس
بالظبط كده بيحصل مع الالفاظ البذيئة ,, هي بتزيد
يعني دلوقتي كده اقعد في اي قاعدة من قعدات الولاد ,, حتلاقي القاعدة كلها شتيمة ,, ومن غير سبب ولاي سبب ,,
طيب ده يعني بيحسسهم بإيه ؟؟ او ليه بيعملوا كده ؟؟
انا مش حقدر اجاوب عالسؤال ده لاني بنت ,,
دلوقتي تمشي في الشارع تلاقي ده بيشتم ده وبصوت عاااااااااااالي وهو ماشي عادي جدا ولا كان دي حاجة غلط ,, طيب وانت استفدت ايه ؟؟
اينعم في حاجات تنرفز , بس مش ضروري ابدا انك تقول الفاظ زي دي ,,
وده العادي بتاع مجتمعنا ,, انه بقي بيشوف الحاجة الغلط صح وعادي و بيبتدي يمارسها بشكل طبيعي
زي مثلا حاجة تانية اللي هي المظاهرات
انت عاوز تتظاهر , انزل يا عم محدش قالك حاجة
بس متخربش !! ليه تحرق شقة او تكسر قهوة !؟ ليه تخلي الناس تكره اللي انت بتعمله !؟
مع انك بتعمل حاجة صحيحة , انت بتدافع عن حقك وحق المظلومين ,, بس ليه تبوظ ؟؟ مهي الحاجات دي حتحتاج ترميم واصلاح وده حيبقي عبء كبير اوي .
من يومين بالظبط لقيت واحد كاتب علي بيدج ان لازم يشتروا سبراي ويكتبوا في كل حتة 30/6 ,, يا عم انا مش ضد انك تنزل ,, بالعكس !! كلنا طبعا عايشين في البلد ومقروفين ,, بس ليه كده ,, ما تعتصم براحتك بس بهدوءك و باحترامك ,, وبعدين ييجوا يقولوا بقي دول عملوا ونيلوا ,,
طب ليه كده !! مهي دي منشآت اللي انت بتبوظها دي !
فكر بعقلك قبل اما تعمل اي حاجة ,, ومش معني ان الحاجة دي منتشرة تبقي صح ,, بالعكس ,,
ربنا مديلك عقل وميزك عن الحيوانات بيه ,, ومديك كمان حرية الاختيار ,, يا تشغله وتعيش بمبادئك و اخلاقياتك الخاصة , يا إما تعيش زي اي حد عايش في الدنيا ..
سيب بصمتك في الدنيا ,, وكفاياك تقليد في غيرك
0 التعليقات:
Post a Comment