عن ضحكة

- عن ضحكة طلعت منك اول ما شفت نتيجتك ولقيتها عاجباك قبل طبعا ما اهلك ينكدوا عليك

- عن ضحكة طلعت اول ما شفت صاحبك اللي بقالك كتير مشوفتهوش

-عن ضحك طلعت وانت قاعد وعامل مصيبة وابوك راح منادي عليك

- عن ضحكة طلعت بعد اما وقعت عالارض في نص الشارع وصحابك مش قادرين يقوموك من الضحك

- عن ضحكة طلعت اول ما شفت صورك وانت صغير وكنت عامل زي السباكين

- عن ضحكة طلعت وانت قاعد مع صحابك بتفتكر ذكريات قديمة

- عن ضحكة طلعت منك بعد اما عربية في عز الشتا عدت من ادامك بسرعة وبهدلتلك هدومك

- عن ضحكة طلعت لما انت وصحابك كنتوا بتجروا تحت المطر

- عن ضحكة طلعت اخر يوم امتحانات وانت بتتصور مع صحابك

- عن ضحكة طلعت من مامتك اول ما قلتلها انك نجحت

- عن ضحكة طلعت وانت وصحابك بتألشوا علي بعض

- عن ضحكتك قبل امتحان و انت مش مذاكر ولا كلمة

- عن ضحكة طلعت بعد اما خلصت انت وصحابك مسابقة مين يعيط الاول 



- عن ضحكتك لما جه حبيبك يقابل باباكي

- عن ضحكتك لما اول مرة تشوفيه بيغير عليكي

- عن ضحكة طلعت بعد اول لمسة ايد

- عن ضحكة طلعت وهو بيلبسك الدبلة

- عن ضحكة طلعت وهو جايبلك اول هدية بعد الخطوبة

- عن ضحكة طلعت اول ما قالك " انتي بتاعتي انا وبس "



- عن ضحكتك وانت ماشي وماسك ايدين حبيبتك

- عن ضحكتك بعد اما قلت اول كلمة " بحبك "

- عن ضحكتك علي فيلم اول مرة انت وهي تشوفوه سوا

- عن ضحكتك لما تشوفها لاول مرة بتتكسف

- عن ضحكة طلعت وهي بتشب عشان تبقي طولك



- عن ضحكة طلعت بعد اما عديت السكة بست عجوزة و راحت داعيالك

- عن ضحكة طلعت من بنت بعد اما ضربت اللي كان بيعاكسها

 - عن ضحكة طلعت من واحد وانت بتوزع سمايلات عليه

- عن ضحكة طلعت لواحد بيوزع بلح في رمضان ساعة الفطار وانت بتقوله " شكرا بس انا مسيحي " ويرد هو ويقولك " يعني انا اللي مسلم !! "

- عن ضحكة طلعت منك وانت بتلعب مع يتيم




- عن ضحكة طلعت منك دلوقتي وانت بتفتكر كـــــــــل اللي فوق ده









هو انت مسمعتش داليا وهي بتقول :

" الضحكة عملة نادرة جرب تشوف نتاجها

نعمة ربك مديهالك فرصة و مدفوع حسابها

زى مافى فى الحزن دمعة فى فى الفرح دمعة

بس الضحكة احلى اضحك يمكن تدوم

اضحك فى وش الناس من غير ماتكش

ده عمر الضحكة احلى عمر الشمس مابتغبش

مشروع اضحك فى وش الناس بكل احساس اكيد يقش "

( مشروع هيب هوب - الضحكة عملة نادرة )
www.youtube.com/watch?v=wNsitL_5PFY

Penulis : Unknown ~ Sebuah blog yang menyediakan berbagai macam informasi

Artikel عن ضحكة ini dipublish oleh Unknown pada hari June 18, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan عن ضحكة