بحبك يا بهية وحبك مشعلل جوه جلبي
اوصف مشيتك ولا ضحكتك ولا كلامك اللي عندي اغلي من المتنبي
اشوفك بتتمختري بتزيدي جوايا حبك واقعد اجطف في شنبي
تموتيني بضحكة ونظرة وتسيبيني ولهان وتستخبي
اه يا بهية يا ام عيون الماظ
من بسمتك ودلعك نظري اني باظ
خلوني من الصبح للعصرية احط راسي في الفنطاز
عشان افوجلك ,, ياللي من جمال رموشك الجمر منك اتغاظ
جمالك نزل جمال الجمر في الرتبة
إدامك لا اجدر اجول فكاهة ولا نكتة
والعاجز عشانك يا بهية يبيع الركبة
ياللي جمالك غلب هند بنت عتبة
اموت واشرب من المية اللي بتجري علي شفايفك
واتمرمغ في دفاكي واسمع دجات جلبك
واشتغل واتعب عشان بس اسمع صوت رئايتك
وتجوليلي " امرك يا سي عبدو " و ارد " يسلم المعلم اللي جايبك "
منحنيات جسمك محفورة جوه ضلوعي
حسنك و شبابك في الجعدة هم موضوعي
لو اني الشمس ,, احلف انك خطفتي سطوعي
من ذكراكي وانا بخيط الجلابية , الإبرة دخلت في كوعي
الناس يفتكروكي ويجيبوا سيرتي
واد ايه وجودك شجلبلي حياتي وعشتي
عشانك بعت الجيراطين اللي حيلتي
وحتجوزك سواء أبيتي او شئتي
عشانك بعت جلبابي ورحت اشتري جزمة
من تفكيري فيكي رحت عند بتاع اللحمة
انكسفت فاشتريت كيلو , ومعاهم كام فحمة
اشويهوملك علي صوابعي دول يا ام عطوة
عطوة حيبقي ابننا و نخلف كمان عيلين
وناكل سوا المشلتت و المدمس ومعاهم رغيفين
ولكل واحد فينا نايبه ساندويتشين
واديكي المهية من اول جنيه لحد اخر جرشين
حبك يا بهية نساني نزول دمعاتي
وفرد في جلبي فراخ عتاقي و رز بسماتي
ودلعك ده اللي خلي الوزير قرداتي
ضيعلي من عجلي وحايدي وسبعاتي و تمنياتي
آه يا بهية يا اللي احلي من البسبوسة والمهلبية
0 التعليقات:
Post a Comment