عن شعور قبل كده حسيته
شعور خبيته في قلبي وتاويته
جرحني اه , بس الجرح داويته
عن احساس كان جوايا لإنسان
لكن الحالة دي كانت موجودة زمان
بس انا دلوقتي مش ندمان
عالوقت اللي ضيعته غرقانة في ذكرياته
شعور حلو ولا وحش انا مش عارف
ولا عارف ايه غرضه ولا لإيه هادف
كمان انا دلوقتي غيره مش شايف
يسكن قلبي بدفاه و بحنيته
عاشقاه يا بويا عاشقاه
وكل يوم في حلمي بتمناه
مع بعض وعايشين بقي احلي حياه
ده انا ما صدقت لقيته
بس خوف دخل وكسر التوقعات
ضيع همسنا وعشق النظرات
بدل بحبك قولنا آهات
وبعد عني اللي اتمنيته
بس انا مستنياه اكيد
وبرغم البعد هو مش بعيد
سايب ناره في قلبي تقيد
متبعدش عني ياللي انا حبيته
متمنتش حصان ابيض ولا امير
ولا عاوزة سجادة سحرية بتطير
انا عاوزة قلبي يبقي معاك اسير
ياللي اخيرا يا بويا لقيته
وحياة الكلمات واللمسات الرهاف
وكمان الوان طائر الرفراف
مستعدة اعيش لو سنيني بقت عجاف
معاك ,, ياللي حبك جاني وفي قلبي ضميته
وقتنا لسه ما فات
وانا بعد الساعات
من دلوقتي لثانية الميعاد
عشان اقولك كلمتين : بحبك وعاشقاك
0 التعليقات:
Post a Comment