عالم عجيب عجيب

وانت نازل رايح تصلي ,, او وأنت ارجع من الشغل ,, او وانت تحت أي ظروف في الشارع كده ,,

اقف كده وبص في وشوش الناس ,, حتلاقي حاجات متناقضة كتيرة اوي ,,

يعني إزاي واحدة عجوزة اوي و شايلة شيل كتيرة اوي ,, ممكن انت تاخدهم وتقع لو مكانها ,,

وممكن تشوف واحد عجوز اوي وشغال شتيمة وقلة أدب ,,

وممكن تشوف واحد شحات
ومتوسخ ومتبهدل ولما حد ييجي ويديله فلوس يقوله شكررا يا بيه , مستورة والحمد لله ,,

وممكن تشوف واحد شكلة قبيح ( استغفر الله العظيم ) وييجي يقول لواحدة انا عاوز حضن ,, مش قصده قليل الادب !! لا هو بس عاوز يحس بشعور الامان في حضن حد ,,

وممكن تشوف بنت محترمة ماشية وربنا يزيد من جمالها وأدبها وتبقي بتكلم ولاد موبايل ومهيصة من ورا اهلها ,,

الامثلة اللي فوق دي منها الحلو ومنها الوحش ,, الحلو مثلا : الست العجوزة ومقدرتها علي انها تشيل أحمال كتيرة اوي بالرغم من سنها الكبير ,, والولد الصغير اللي مكتفي برزق ربنا ليه ,,

والوحش زي : الراجل الكبير في السن اللي بيشتمم ده ,, و البنت اللي مضيعة نفسها علي حاجات تافهة ,, 

وفي موقف بقي متعرفش ده حلو ولا وحش ,, ولا هي الدنيا ظالمة ,, ولا الناس قلوبها بقت حجر كده زي اللي عاوز حضن ده ,,

- لما تبص علي الست اللي شايلة ياما دي ,, حتشوف في عينيها شقي سنين طويلة ,, اصل لا يمكن يكون عندها العزيمة دي من غير هدف معين بتسعي ليه . و تشوف قوة الدنيا في عينيها بس لما تتكلم معاها تحس انها رقيقة وزي النسمة ,, ودي نعمة من عند ربنا ,, يعني مديها القوة عشان تتحمل كل ده بس مديها ضعف ادام اي موقف تاني ..

- لما تشوف الراجل العجوز اللي بيشتم ده ,, بتقول في نفسك عبارة " عيب علي سنك يا حاج !! " ,, يعني الراجل ده اكيد اكيد اتربي من وهو صغير علي كده !! فانت لما تمقت المنظر ده ,, متنقضش وتسكت ,, لا طبعا ,, اقل ما فيها انك تربي اولادك علي انهم يطلعوا مهذبين ,, انا معاك في فكرة كل الناس بتشتم ,, حتي المتدينين ,, بس  فكرة انك تقلل حدوث ده قدر الإمكان , ده بحد ذاته انتصار كبير ,,

- والشحات اللي بيترفع عن الفلوس ده ,, هو مش محتاج حاجة ,, لان متطلباته علي أده ,, يعني هو مش محتاج اي حاجة من اللي الناس متوسطة الدخل ( اللي زيي وزيك ) او ذو الدخل المرتفع بيحتاجوها ,, يعني هو مش محتاج مراية او مشط او هدوم ,, هو بس اللي عاوزه انه ياكل ويبقي مبسوط ,, بس كده ,, # عن البساطة أتحدث .

- والبنت اللي هي شكلها مؤدب وجميلة دي !! ,, محلوظة صغيرة كده بس ( أيوه اسمها محلوظة ) , مفيش بنت وحشة ,, بمعني ان البنت لو كانت سودة وملامحها صعبة وفيها العبر كلها ,, اتكلم بس معاها وحتشوفها اجمل من اي واحدة تانية ,, وعبارة " الجمال جمال الروح " الناس بيقولوا انها مبرر للوحشين ,, بالعكس الكلام ده فعلا صحيح ,, لان انت بتخطف اللي ادامك بروحك وشخصيتك مش بشكلك وهيئتك ,, مننكرش بردو ان الشكل له عامل اساسي في تحديد الشخصية ,, بس بردو مش الانطباع الكامل بيتكون من الهيئة او الشكل ,, 

المهم بقي ,, البنت دي في فراغ كبير اوي في حياتها وهي قررت انها تملاه ,, بس اختارت _ زي ما بيقولوا _ الحشو الغلط ,, يعني هي ممكن تختار انها تملي فراغها بالتدين ,, او العلم ,, او الثقافة ,, بس هي اختارت الحب والوهم والغرام والكلام اللي احنا عارفينه ده كله ,, مسألتش بقي نفسها هل ده صح ولا غلط !؟ انا معاك في فكرة ان الواحد لما بيعيش الموقف بيبقي حلو ومش بيشوفه غلط ,, بس فين عقلك اللي ربنا اداهولك !؟ ,, ربنا ادانا نعمة و هي العقل , العقل ده هو اللي بيميزنا عن الحيوانات وسائر الكائنات ,, يعني العقل ده اللي خلانا نطلع القمر ,, ونفسر القرآن الكريم , ونختار رئيس الجمهورية ( كان يوم استغفر الله العظيم ) ,, فليه نستخدمه في حاجة حتدمر مستقبلنا بشكل ما ؟! ايوه حتدمر مستقبلنا أيوه , عندك مانع أ بشمهندز !؟ انا وانت بقي عارفين بقي انه غلط بقي وبلاش نفسر اكتر من كده بقي :) :)

- اخر حاجة الراجل اللي عاوز حضن ده ,, يعني هو شكله مش حلو فالناس بتنفر منه ,, فصعب اوي انه يلاقي حد يحن علهي وفي نفس الوقت مش عاوز يحس بإحساس الشفقة في عيون الناس او نظرة الإشمئزاز اللي عاملة زي سهام السم في ضهره !! 

الموقف ده مش عارفة اقول عليه وحش ولا حلو ,, اقدر اقولك عليه خليط ,, أيوه خليط ,, هو حاجة حلوة ان الواحد ده عرف اللي محتاجه وقدر يحدده وبدأ يسعي ليه ,,الوحش ,, انه لجأ ليه بالطريقة دي والأوحش حاجته لحاجة قد تفهم ( ال (ت) عليها  ضمة ) بطريقة سيئة .

بجد أحسن حاجة انك تحمد ربنا علي اللي عندك ,, ممكن يكون ناقصك حاجات كتيرة ,, اوي ,, بس بردو متنساش ان غيرك مش لاقي نص اللي عندك ,, غيرك مش قادر ينطق كلمة الحمد لله ,, ولا اي كلمة تانية . احمد ربنا ,, ربنا كبير اوي وبإيديه كل حاجة ,, افتكر كده كام موقف ربنا نجاك منه ,, وانت ولا واخد بالك !! شوف كام مرة كانت عربية حتدوسك وربنا نجاك ,, شوف كام مرة غلطت فيها وربنا معادش الموضوع عليك بسوء . شفت بقي ربنا كبير إزاي ,, يعني انت كان زمانك في قائمة الوفيات من زمان o_O 

أحمد ربنا بقي ,, مستني إيه !؟

Penulis : Unknown ~ Sebuah blog yang menyediakan berbagai macam informasi

Artikel عالم عجيب عجيب ini dipublish oleh Unknown pada hari June 01, 2013. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan عالم عجيب عجيب