طبعا من اول ما شفت العنوان جه في بالك فيلم سمري وشهير وبهير ,, واللي متأكدة منه أكتر ان جه في بالك اني حتكلم عن حاجة قديمة ,,
فعلا ,,
انا حتكلم عن الحياة بشكل عامة زمان ودلوقتي ,,
يعني مثلا لو اتكلمنا عن اللبس :
زمان : البنات لابسة جلبية وبيشة و مش باين ضوفرها , والرجالة كلهم بدل وطرابيش والمنشة ( اللي هب بتاعة كده عبارة عن إيد وطالع منها شعر كتير و بيهشوا بيها الدبان ) في ايد كل واحد .
دلوقتي : البت مش مغطية غير ضوفرها وكله ما شاء الله يا باين يا 3D , والولاد بنطلونات ساقطة بقي و هدوم داخلية بألوان اووو نووو شياكة شياكة ( ارحمونا شوية بقي عميتونا ) وتلاقي في إيديهم بقي : عندك أيباد , ممكن هاند فري بموبايل , ساعات مرايات , او ممكن كتب واخدينها من صحابهم عشان يوريهم لابوهم عشان سؤال " وديت الفلوس فين ؟ " يتلاقيله إجابة ,,,
المعاكسة :
زمان : البت تقول لأبوها انها نازلة تودي الهدوم عند الخياطة عشان تقابل اللي بتحبه ( الي هو البوي فريند ) وابوها يطين عيشتها عشان اتاخرت 10 دقايق وفي الأخر يوم أما يتكلموا يقولها " يا صوابع زي الزبدة " أو " غزال بيتمختر " ويقوم مقدم الطربوش علي أدام كده بطراطيف صوابعه من ورا , والبت يوم اما تحن عالواد تروح قايلاله " خضتني يا اسمك ايه " او ممكن " اوعي كده يا اسمك ايه "
دلوقتي : " ما تيجي ورا العمود ونجيب محمود " ( سوفاااااااااااااااااج ) والبت بقي " اوعي بقي بلاش قلة أدب " ( وهي حتلاقيها حتموت عليه اصلا ) ,, وشوية بقي كلام كده يوجع القلب والودان ويجيب تلوث سمعي وشوية التهابات كده o.O o.O .
طريقة التعامل بين الراجل ومراته :
زمان : الراجل هو الآمر الناهي بتاع البيت ,, زي سي السيد طبعا كلنا شوفنا الفيلم الفظيع بتاع يحيي شاهين ,, وزاي كان قاسي اوي في معاملتة مع عيلته والست يا عيني ملهاش لا خروج وهو لازم اللي ياكل الأول والخرزانة لما اي حد يعمل حاجة غلط .
دلوقتي : الست تضرب الراجل وتدهوله وفي الاخر ترفع عليه قضية وتخليه يصرف عليها ( عيني عليكي أ رجالة مصر :( :( )
بصراحة بعد المقارنة الفظيعة اللي فوق دي ,, مش قادرة اعبر عن كمية البلغــ ,,,,, احم ,, قصدي اللي هوااااااااااااااااااااااااا ,, ساموعليكوا ........
0 التعليقات:
Post a Comment