" أستفدت ايه ؟ "
سؤال بسيط اوي ,, بس ليه تأثير كبير اوي في حياتنا
حعمل معاك اتفاق ,, عاوزاك تقعد مع نفسك كده ,, دقيقتين بس ,, وتغمض عينيك
وتشوف كل حاجة بتعملها استفدت منها ايه ,,
يعني استفدت ايه لما اتكلمت علي واحد كلام مش كويس ؟؟ ولا اي حاجة غير زعل ربنا وزعل الشخص ده
استفدت ايه لما دعيت علي نفسك ؟؟ ولا اي حاجة غير انك اخدت ذنوب
استفدت ايه لما زعلت مامتك ؟؟ ولا اي حاجة غير غضبها منك
وهاكذا . . .
بجد احنا محتاجين السؤال ده في حياتنا اليومين دول ,,
ممكن بالسؤال ده تصلح اخطاء كتيرة اوي في حياتك
ودي حاجة كويسة جدا ,, لان عموما الانسان اللي بيشوف نفسه غلطان وبيحاول يصلح من نفسه بيبقي انسان ناجح
لما حد يوجه لك نقد ,, متقعدش تكابر و تقول لا مش فيا ,, وده كدب
حاول كده تقعد مع نفسك وتفكر بحيادية ,, اللي انا بعمله ده صح ولا غلط ؟؟ وايه اخرتها ؟؟
والله حترتاح اوي ,,
حتجرب ؟؟ ,, تمام :) ,, انا كمان حجرب
يلا بينا ,, 1,, 2 ,, 3
0 التعليقات:
Post a Comment