الكلام ده ممكن تشبهه بالمستيكة ,, اه المستيكة ( او اللبانة زي ما بتوع مصر بيقولوا ) ,,
لو زوردت فيه حيكبر ويفرقع في وشك
يعني ايـــــــه ؟ يعني لو قعدت تتكلم كتير كتير كتير كتير , حتخرج عن طوعك وحتقول كلام حيخلي الناس تتضايق منك , حتي ولو كنت متعصب ,, اللي هي فرقعه اللبانة في وشك.
كمان لو قعدت تطلع الكلام من بؤك بالعافية البلونة مش حتطلع حلوة وحتفرقع وانت لسه بتنفخها ,,
يعني ايـــــــه ؟ يعني لو قعدت تختصر تختصر تختصر في الكلام ,, اقولك علي حاجة ,, والله ما حيبقي في فايدة وحيقولوا عليك بخيل واحتمال يقلبوك بالترابيزة اللي انت قاعد عليها ,, زي بالظبط البالونة اللي عمال تنفخ فيها برااااااااااااحه خالص ,, دي سيادتك حتفرقع مع اول نفخة منك وحتلزق في بؤك وشوفلك حد يطلعها بقي !!
اهم حاجة الوسطية ,, يعني مااقعدش ارغي ارغي ارغي او اسكت خالص خالص ,, لا طبعا ,, انا دايما بابا كان بيقولي اختاري الوقت المناسب مع الشخصيات المناسبة ,,
يعني اول حاجة تحدد المستويات اللي انت قاعد معاهم
لو مثقفين : يبقي لبست يا معلم ومش حتعرف تتكلم , عشان حتيجي تخترع زي ما بتعمل في امتحان الفيزيا كله حيقول عليك عبيط ,, فانت تعمل ايه ؟؟ انت تسكت خااااااالص خالص ولما حد يطلب منك رأيك قول نفس اللي قالوه بس بصيغة تانية وزود كلمتين من عندك عشان ميبانش انك عامل كوبي ( ده لو انت مش فاهم يعني ).
لوكبار في السن : حيقعدوا طبعا يتكلموا علي ايام زمان ويخربيت الجيل اللي طالع والكلام ده ,, فانت احسنلك تقول كلام معقد زي الايباد والواي فاي علي كلمتين انجليزي حيقولوا عليك واد من بتوع اليومين دول والتكنولوجيا بقي والكلام ده ( ده لو منفوخكش تأليس وكلام علي الصواني الالومنيا و الخضار بتاع ايام زمان كان عامل ازاي )
لو متشددين في الدين : فانت تقوم من هناك بحجة ان بطنك واجعاك هاه !! والنبي مش ناقصين نفخ عالصبح ,,
حد حيقولي الدين نفخ !! انتي كافرة وفاسقة والكلام ده ,,
اقولك انا بقي وبكل هدوء : الكلام في الدين هو اللي بقي نفخ لأن دلوقتي ومع حكم المرشد و الاستاذ مرسي ,, الدين اصبح اداه للسيطرة علي الغير مش للتعليم ,, يعني الدين مش بيدخل في المجموع في المدارس ,, ولا بنحفظ آيات قرآنية ولا اي حاجة ,, ومعلوماتنا ضايعة ,, فاكيد اكيد لما حد يقعد معاك ويتكلم في الدين , حيبقي له المقدرة علي انه يدخل في مخك اي فكرة غلط .. ما انت معندكش معلومات ولا فاهم اي حاجة في اي حاجة ,, ولو عاوز تتعلم دين خده من المكان الصح ,, المكان اللي محدش يقدر يختلف عليه.
لو ناس في سنك وعلي نفس مستوي الثقافة : خد بقي راحتك يا معلم , وده الموقف الوحيد اللي ممكن تثبت نفسك فيه ,, لان كلهم حيبقوا عاوزين يبينوا انهم اعلي في مستوي الثقافة فانت تكون قاريلك كلمتين من اي كتاب كده وتروح تتفلسف بيهم حيقولوا عليك برنس ...
بس في الاخر عاوزة اقول قبل ما تعمل كل ده ,,
انت حتبقي راضي وانت قاعد مش فاهم ؟؟
متهيألي لا !
طيب المطلوب ايه ؟
المطلوب انك تثقف نفسك ,,
إزاي ؟
أقري ,, روح ندوات ,, نبي مواهبك ,,اقعد مع حد اكبر منك ( بس والنبي بلاش حد من اللي فوق دول :) ) ,, خليك لبق في الحوار ,,
وزي ما قلت في الاول ,, كلامك زي لبانتك ,, حتقدر تتحكم في اللبانة ,, حتعيش ملك ,, حتخلي اللبانة هي اللي تتحكم فيك ,, يؤسفني اقولك ... دور علي تربة تقعد فيها ,, لان الانسان من غير فكر وثقافة ورؤية هو في الحقيقة إنسان ميت :(
0 التعليقات:
Post a Comment