حارتي في اسكندرية
حارة مش عادية
لا نشالين ولا حرامية
ميوصلهاش رسالة ولا برقية
مهي معزولة حارتي دية
معزولة عن الدنيا الحقيقية
موجودة في حياة خيالية
حياة بعيشها في حضن بيوتها هي
لا بتطل علي شط اسكندرية
ولا في بلكونة منها زهرية
بس عندي احلي من طبق المهلبية
البقالة بتتجاب من عم عطية
ومنساش الخضار من الست هنية
ودروس الفرنساوي عند الست اللبنانية
اللي بتقول علي ام علي " طبخة الست علية "
شايفاكي يا حارتي فلاح بجلابية
ماشي يلم فاكهة كبيرة الكمية
شايفاكي يا حارتي بنت بغدادية
تترقصي بخلخال زي الغازية
شايفاكي يا حارتي سمكة سنجارية
تتنططي في الصنارة ساعة الفجرية
لا باريس ولا لندن ولا البندقية
قلتلكوا حارتي حارة مش عادية
0 التعليقات:
Post a Comment