" ايه ده ! انتي قلعتيه !! اتنيلي , كان احلي حاجة فيكي "
الجملة دي احمد حاتم قالها لريم هلال في فيلم المركب ,, حقولكوا الموقف عشان اللي مشافش الفيلم .
يسري اللوزي قالت لريم ما تفكيها شوية عشان تقلع الطرحة يعني ,, في الاول قالت لها لا بس بعدين لما لقت صحابها هايصين مع الصبيان وبيلبسوا مايوهات وكده راحت قالعة الطرحة ,, وهي بتقلع الطرحة الطرحة طارت واحمد حاتم مسكها راح قالها الجملة اللي فوق دي .
معناها ايه الجملة دي ! معناها ان لو فيكي العبر بردو حجابك حيرفعك في نظرهم
فكري كده في الجملة دي وانتي بتبيني جزء من شعرك !
يعني مثلا عاوزة تبيني ان شعرك حلو !! صدقيني وهو متغطي بيبقي شكله احلي .
او مثلا شكلك مش بيبقي حلو وانتي مدخلاه جوه الطرحة ؟؟ طب لابساها ليه ؟
ما تبيني طيب شعرك كله والبسي زي ما انتي عاوزة ,, سوري يعني انتي كده بتضحكي علي نفسك ,, ايه فايدة الحجاب وانتي مطلعالي شعرك بره ؟؟
مشكلتنا دلوقتي ان الحجاب بالنسبالنا هي حتة قماشة عالشعر وخلاص ,,
طبعا لو واحدة قالت لباباها انا حقلع الطرحة حيقول لها لا ,, لا ليه ؟؟ عشان مش عاوزها تبين شعرها ,, انما اول حتة منه مقبولة شوية احسن من شعرها كله ,,
لو سمحت أ عمو ممكن تمضيلي عالتيشيرت ؟؟
اوك ممكن واحدة دلوقتي تروح قافلة التاب دي وتقول كفاية لحد كده ,, وده يبقي اكبر دليل علي انك مش عاوزة تسمعي نقد لنفسها
طيب بردو فكرتي في الجملة دي وانتي بتلبسي ضيق ؟؟
يعني مثلا عاوزة تبيني للناس ان جسمك حلو وانك لا تقاومي !!
عارفة لو داريتيه الناس حتحترمك اكتر ,, وكمان حتبقي واثقة في نفسك اكتر
جربيها كده ,, انتي مش محتاجة حاجة من الناس عشان توريلهم شعرك او حتي تبينيلهم جسمك عشان يعرفوا انك حلوة اوي وجسمك حلو ,,
انتي في غني عن كل ده
وصدقيني اللي حيعجب بيكي , حيعجب بيكي علشان شخصيتك اللي جوه مش لبسك ولا شعرك
اديكي شايفة اهو كل المتجوزين بعد الجواز مش بيبصوا لبعض ,, اصل هو حيبصلك علي ايه ؟؟
جسمك وشافه قبل الجواز ,
مهو متغطي !
هو متغطي بس تفاصيله باينة ,,,
شعرك وشاف اول حتة وصدقيني حتلاقيه متخيلك في دماغه بشعرك من قبل ما توريهوله كله ,,
اللي بيعيش بجد هي الشخصية ,, لا جمال شعرك حيقدر يحل مشكلة ,, ولا تقاسيم جسمك حتقدر تربي عيال ,,
شخصيتك وادبك واخلاقك ودينك هم اللي بيحددوا مستقبلك ,, وهم اللي بيساعدوكي تتخطي كل المشاكل اللي بتواجهك
تخيلي معايا كده ,, انتي دلوقتي وقعتي في مشكلة في شغلك ,, حتقومي تطلعي شعرك بره اكتر وهي حتتحل لوحدها ؟؟
لا طبعا حتبدأي تفكري إزاي تطلعي من المشكلة دي وتصححيها إزاي
ومثلا لو ابنك طلع مش متربي مش معقول تلبسي ضيق اكتر او تحطي ميكب اكتر وحتلاقي الواد بسم الله ما شاء الله اتحسن لوحده !
سوري يعني انتي لو بتسحري او بتشعوذي الكلام ده عمره ما حيحصل .
بصي انا معاكي في ان الكلام ده صعب يتنفذ ,, عندك حق فعلا , انا نفسي عندي شوية اخطاء وبحاول اصلحها
مش حنقف بقي عند النقطة دي وتقولي خلاص بدال هي بتغلط يبقي انا اغلط براحتي ,, لا خالص ,, انا بقولك كده عشان نبدأ نتحسن مع بعض ,,
عاوزة ترفعي نفسك , ارفعي نفسك بجهدك وادبك واخلاقك و ملكيش دعوة باللي حواليكي ,,
ومتنزليش غيرك عشان انتي تترفعي ,, لان " كما تدين تدان " يعني حييجي عليكي الدور في يوم من الايام
فعلي ايه بقي يا مزة الكلام الفاضي ده كله ؟؟
ما نحاول نظبط من دلوقتي ,,
ده العمر والله بيعدي بسرعة والواحد مبيلحقش يبص وراه
خليكي البنت اللي لما الناس تشوفها ,, تقول " والله لسه في بنات مؤدبة " او " الدنيا لسه بخير "
:) :)
0 التعليقات:
Post a Comment