اكيد في يوم من الايام سألت ,, أيه فايدة الكراهية , التسلط , التكبر ؟؟
الحاجات دي ليها فضل كبير اوي
إزاي ؟!؟!
من غير الكراهية عمرنا ما كنا حسينا بطعم الحب ,,
ومن غير التسلط عمرنا ما كنا عرفنا الشوري ,,
ومن غير التكبر عمرنا ما كنا عرفنا التواضع ,,
انا مش بقول انها حلوة ,, لا طبعا ,, بس كل حاجة ليها الوحش والحلو
زي الحب مثلا ,, الحب حاجة جميلة اوي ,, بس لو زادت عن حدها بتبقي وحشة ,,او ممكن لو زادت التضحيات بتبقي بردو وحشة ,,
الكراهية وحشة ,, بس من غيرها عمرنا ما كنا عرفنا الحب ,, والكراهية تبقي حلوة لو استخدمتها في موضعها الطبيعي ,, زي مثلا كره الافعال الشنيعة او كره عدم غض البصر او كره الكلام البذئ ,,
فهنا مش حنقدر نقول ان الكراهية وحشة ,, بالعكس ,, كل حاجة موجودة ليها سلبيات و ايجابيات
ولو فضلنا ماسكين في السلبيات دي حننسي الايجابيات الموجودة في كل حاجة حولينا
تخيل انت بقي ,, لو حطيت المقياس ده ادامك في كل حاجة !
والله الدنيا حتبقي زي الفل ,, ليه بنقعد نبص عالسلبيات والايجابيات دي راميينها كده !! مهو اكيد في سلبيات ,,
بس الناصح بقي هو اللي يبص ويركز عالايجابيات دي ويحاول يقلص من حجم السلبيات ,, انا مقولتش يلغيها ,, لا يقلص حجمها بس
مهو لو اتنططنا مش حنقدر نلغي السلبيات
ركز عالإيجابيات
0 التعليقات:
Post a Comment