لو بصتلها من وانت لافف راسك لليمين حتشوفها 9 ,, ولو بصتلها وانت لافف راسك للشمال حتشوفها 6
وده سبب معظم خلافاتنا ,, اننا مش شايفين من وجهة نظر اللي أدامنا , لو دققنا وحاولنا نشوف بعينيهم حنلاقيهم بردو صح ...
الفكرة مش انا صح وانت غلط , الفكرة في أنت ازاي شايف الموضوع ,, هل أنت شايفه من موضع واحد بس ؟ ولا حاطط جميع الأحتمالات ادامك ؟
تعالوا نشوف مثال بسيط اوي :
واحدة ماشية مع واحد في الشارع
وجهة نظر من جهة واحدة :
إيه قلة الادب دي !! أزاي تمشي كده معاه ؟ مهو خلاص مبقاش في أدب ,, ربنا يتوب علينا من الأشكال دي ,,
فحص الموضوع من وجهات نظر مختلفة :
ايه ده !! إزاي تمشي معاه كده ؟ مش يمكن يكون خاطبها ؟؟ طيب مهو ممكن بردو يكون قريبا ؟؟ او ممكن مثلا اللي بينهم شريف ؟؟ معرفش بقي ,, يارب لو هم ماشيين غلط أرشدهم للصح ولو هم صح وفقهم ,, اللهم آمين
الموقف هو هو ,, بس وجهات النظر مختلفة ,, يعني الاولي حكمت عليهم انهم غلطانين ومش متربيين ,, والتانية شافت كل حاجة ,, وبعد اما معرفتش تحدد , دعت لهم بالصلاح ,, متهيألي مفيهاش حاجة لما نصفي النية
ممكن حد يقولي بس بيبان عليهم ,, يعني اللي ماشيين صح بيبانوا واللي ماشيين غلط بيبانوا ,,,
اقولك حاجة ,, مفيش واحد يقدر يقول ده صح ولا غغلط ,, ليــــــــــــــه !! لان انت بتحكم عالصح والغلط ده من خلال تربيتك انت مش من خلال تربيتهم هم ,, يعني في مناطق انك تمشي مع ولد فيها عادي ,, في مناطق تانية لا ,, فأكيد كل منطقة ليها الصح والغلط ,, مش معني كده ان هم الاتنين مش بيفهموا ,, لا بس دي حاجة بتفرضها علينا مجتمعنا
اللي عاوز يشوف نفسه صح ولا غلط ,, يعمل حاجة بسيطة اوي ,, يقعد مع نفسه ,, أظن دي مفيهاش حاجة بقي ,,
اقعد مع نفسك كده وفكر ,, هل في يوم لما تيجي تقابل ربنا وتقوله انا كنت بعمل كذا او كذا او كذا حيقولك عادي ويدخلك الجنة ؟؟
أسألك نفسك السؤال ده وحاول تغير من نفسك ,, لأنك جواك شخص كويس ,,
أنبش وطلعه ,,
0 التعليقات:
Post a Comment